Toshkentdagi yana bir koʻcha taʼmirlash ishlari olib borilayotgani tufayli vaqtincha yopiladi. Bu haqida Toshkent shahar Ichki ishlar bosh boshqarmasiga tayanib "Xalq so‘zi" nashri veb sayti xabar berdi.
Unda aytilishicha, yoʻllarda 2-bosqich asfaltlash ishlari olib borilishi sababli Bektemir tumani Ohangaron shoh koʻchasi hamda Husayn Boyqaro koʻchalarini bogʻlovchi Rohat 1-tor koʻchasi (suratdagi xaritada keltirilgan) avtomobil harakati uchun vaqtinchalik yopiladi.
“Shu munosabat bilan, mazkur yoʻldan harakatlanuvchi haydovchilarga aylanma yoʻllardan foydalanishni tavsiya qilamiz. Keltirilgan noqulaylik uchun uzr soʻraymiz”, deyiladi boshqarma xabarida.
