Toshkentning ayrim koʻchalarida transport vositalarining harakati cheklanadi, deb xabar bermoqda poytaxt hokimligi matbuot xizmati.
Aniqlik kiritilishicha, 7–9-may kunlari shaharda “Tashkent Flowers Fest – 2026” gullar festivali boʻlib oʻtadi.
Shu munosabat bilan, 2-maydan 11-mayga qadar Oʻzbekiston Milliy kutubxonasi oldidagi maydonga tutash quyidagi hududlarda harakat cheklanadi:
— Zarafshon koʻchasining “Hyatt Regency Tashkent” mehmonxonasi nazorat-oʻtish punkti va Mustaqillik shoh koʻchasi oraligʻidagi qismi;
— Istiqlol koʻchasining Amir Temur shoh koʻchasi va Buyuk Turon koʻchasi oraligʻidagi qismi;
— Buyuk Turon koʻchasining Istiqlol koʻchasi bilan kesishmasidan Yoshlar ijod saroyigacha boʻlgan qismi.
Haydovchilarga vaqtinchalik noqulayliklar uchun uzr soʻragan holda, muqobil yoʻnalishlardan foydalanish tavsiya etildi.
