Oʻzbekiston Respublikasi Tashqi ishlar vazirligi xorijiy davlatlarda boʻlib turgan hamda safar rejalashtirayotgan fuqarolarga quyidagi umumiy tavsiyalarga amal qilishni eslatib oʻtdi.
Rasmiy axborot manbalarini kuzatib boring
- yashab turgan mamlakat rasmiy idoralari xabarlarini kuzatib boring;
- Oʻzbekiston diplomatik vakolatxonalari eʼlon qilayotgan maʼlumotlarga eʼtibor qarating.
Diplomatik vakolatxonalar bilan aloqada boʻling
- zarur hollarda konsullik hisobiga turish tavsiya etiladi.
- oʻzingiz joylashgan mamlakatdagi elchixona yoki konsullikning aloqa maʼlumotlarini saqlab qoʻying.
Mahalliy qoidalarga rioya qiling
- mamlakat qonunchiligiga hurmat bilan yondashing;
- ommaviy tadbirlar va gavjum joylarda ehtiyotkorlikni saqlang.
Shaxsiy tayyorgarlik
- pasport va zarur hujjatlarni tartibli saqlang;
- aloqa vositalaringiz doim ishlashga tayyor boʻlishiga eʼtibor qarating.
Shuningdek, Tashqi ishlar vazirligi xorijdagi fuqarolar bilan doimiy aloqada boʻlib, zarur hollarda konsullik-huquqiy yordam koʻrsatishga tayyor ekanini eslatib oʻtgan.
