Oʻzbekiston Respublikasi tashqi ishlar vaziri Baxtiyor Saidov Ozarbayjon Respublikasi tashqi ishlar vaziri oʻrinbosari Samir Sharifovni qabul qildi.
Uchrashuv davomida ikki davlat tashqi ishlar vazirliklari oʻrtasida boʻlib oʻtgan siyosiy maslahatlashuvlarning navbatdagi davrasi natijalari olqishlandi.
“Davlatlarimiz Rahbarlarining oʻzaro faol, doʻstona va ishonchli muloqoti Oʻzbekiston va Ozarbayjon oʻrtasidagi strategik sheriklik va ittifoqchilik munosabatlarining jadal rivojlanishida muhim ahamiyat kasb etmoqda”, — deydi Saidov.
Shuningdek, ikki tomonlama munosabatlarning dolzarb kun tartibi atroflicha muhokama qilindi.
