Bosh prokuratura huzuridagi Departamentning Marhamat tumani bo‘limi tomonidan “Hududgaz Andijon” GTF mutaxassislarini jalb qilgan holda o‘tkazilgan tadbirda “A.D.” MCHJ rahbari A.K. “Navro‘z” MFY hududidagi oshxona binosida gaz tarmog‘iga to‘g‘ridan-to‘g‘ri ulanib, 654,3 mln so‘mlik tabiiy gazdan noqonuniy foydalanganligi aniqlangan.
Shu kabi, Departamentning Andijon shahri bo‘limi tomonidan o‘tkazilgan tergovga qadar tekshiruvda fuqaro X.X. non ishlab chiqarish syexida umumiy foydalanishdagi elektr tarmog‘iga to‘g‘ridan-to‘g‘ri ulanib, 311,5 mln so‘mlik elektr energiyasidan noqonuniy foydalanganligi aniqlangan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
