Toshkent shahri Bektemir tumanida yoʻl-transport hodisasi sodir boʻldi. Holat yuzasidan Ichki ishlar bosh boshqarmasi YHXB maʼlumot berdi.
Unda aytilishicha, bugun, 2-mart kuni soat 08:15 larda Bektemir tumani TXAY koʻchasida haydovchi 2007-yilda tugʻilgan A.A. boshqaruvidagi “Damas” rusumli avtomashinasini boshqarib kelayotib, piyodalar oʻtish joyidan kesib oʻtayotgan 2008-yilda tugʻilgan piyodani urib yuborgan.
Ichki ishlar bosh boshqarmasi bergan maʼlumotlarga koʻra, mazkur yoʻl-transport hodisasi oqibatida piyodaga birinchi tez tibbiy yordam koʻrsatilgan.
Hozirda ushbu holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.
