“2026-yilda Navoiy viloyatini barqaror ijtimoiy-iqtisodiy rivojlantirish chora-tadbirlari toʻgʻrisida”gi Prezident qarori (PQ–58-son, 11.02.2026-y.) qabul qilindi. Bu haqida “Huquqiy axborot” Telegram-kanali xabar berdi.
Qarorga koʻra, Navoiy viloyatini 2026-yilda ijtimoiy-iqtisodiy rivojlantirishning asosiy maqsadli koʻrsatkichlari etib quyidagilar belgilandi, jumladan:
- yalpi hududiy mahsulot hajmi yillik oʻrtacha 7,9 foizga, sanoat 7,8 foizga, bozor xizmatlari 15,6 foizga, qishloq xoʻjaligi 5,7 foizga oʻsishini taʼminlash;
- viloyatni kambagʻallik va ishsizlikdan holi hududga aylantirish hamda aholi daromadlari barqaror oʻsishini taʼminlash, 4,5 ming nafar aholini mehnat bozorida talab yuqori boʻlgan kasblarga oʻqitish;
Shuningdek, Karmana koʻchasini renovatsiya asosida milliy uslubdagi madaniy, turizm va xizmat koʻrsatish markaziga aylantirish maqsadida:
- Qosim shayx xonaqohi va Mirsaid Bahrom tarixiy ziyoratgohlari restavratsiya qilingan holda oʻzaro bogʻlanadi;
- “Yangi avlod” istirohat bogʻi va “Karmana dehqon bozori” bilan uygʻunlashtirgan holda “Qadimiy Karmana” turistik markazi (turistik markaz) tashkil qilinadi.
