Senatning Yoshlar, xotin-qizlar, madaniyat va sport masalalari qo‘mitasi raisi Orzigul Kozixonova BMT Aholishunoslik jamg‘armasining (UNFPA) O‘zbekistondagi vakolatxonasi rahbari Nigina Abaszade boshchiligidagi delegatsiya bilan uchrashuv o‘tkazdi.
Suhbat chog‘ida 2026–2030-yillarga mo‘ljallangan mamlakat dasturini amalga oshirishning ustuvor yo‘nalishlari muhokama qilindi. Dastur gender tenglik va reproduktiv salomatlikni taʼminlash, demografik masalalar bo‘yicha O‘zbekiston siyosati va amaldagi qonun hujjatlarini qo‘llab-quvvatlashni, parlament va tegishli davlat tuzilmalari bilan hamkorlikni nazarda tutаdi.
Uchrashuv yakunida ishtirokchilar samarali hamkorlikka hamda avval erishilgan kelishuvlarni amalga oshirish yo‘lida birgalikda harakat qilishga tayyor ekanliklarini bildirdi.
