Dam olish kunlari Oʻzbekistonning barcha hududlari boʻyicha quruq ob-havo boʻlishi kutilmoqda. Bu haqda “Oʻzgidromet” agentligi xabar berdi.
Prognozlarga koʻra, bugun, 9-yanvar kuni hududning katta qismida kunduzi havo 8-11 daraja iliqqacha koʻtarilsa, 10-11-yanvar, shanba va yakshanba kunlari 12-15 daraja iliqqacha isiydi. Kechasi va ertalab ham harorat koʻtarila boshlaydi, yakshanba kuniga kelib harorat 0-3 daraja iliqqacha koʻtariladi.
Toshkent shahrida yogʻingarchilik kutilmaydi. Harorat 9-yanvar kuni kunduzi 9-11 daraja iliq boʻladi. Shanba va yakshanba kunlari asta-sekin kechalari 1-3 daraja iliqqacha, kunduz kunlari 13-15 daraja iliqqacha koʻtariladi.
