13-oktabr kuni Misrda xalqaro “tinchlik sammiti” bo'lib o'tadi. Uchrashuvda “G'azodagi urushni tugatish to'g'risida bitim” imzolanishi rejalashtirilgan. Bu haqda manbalarga tayanib "Xalq so‘zi" nashri veb sayti xabar berdi.
HAMASning o'zi Sharm esh-Sheyxda kelishuv imzolanishida qatnashmaydi. “Marosimda faqat vositachilar, shuningdek, Amerika va Isroil rasmiylari ishtirok etadi”, dedi avvalroq HAMAS vakili. Uchrashuvga AQSh va Misr Prezidentlari Donald Tramp va Abdulfattoh as-Sisi hamraislik qiladi. Sammitda 20 ga yaqin dunyo yetakchilari, jumladan Buyuk Britaniya Bosh vaziri Kir Starmer va Germaniya kantsleri Fridrix Merts ishtirok etadi.
Tramp Isroil va HAMAS o'rtasidagi urush tugaganini e'lon qildi
AQSh Prezidenti Donald Tramp Isroil va HAMAS o'rtasidagi urush tugaganini e'lon qildi. Bu haqda u Isroil parlamentidagi chiqishidan oldin jurnalistlarga aytdi. Oq uy rahbari, shuningdek, HAMAS qurolsizlanish bo'yicha o'z majburiyatlarini bajarishiga ishonch bildirdi.
“Bu men uchun katta sharaf. Ajoyib va go'zal kun, yangi boshlanish”, deb yozdi Tramp Knesset mehmonlar kitobida.
Isroil Bosh vaziri Binyamin Netanyaxu parlamentda Donald Trampga hamrohlik qildi, deb xabar berdi dw.com.