Joriy yilning 23-sentabr kuni Xitoy Xalq Respublikasi Raisi Markaziy delegatsiya boshchiligida Shinjon-Uyg‘ur avtonom rayoni tashkil topganining 70 yilligiga bag‘ishlangan tantanalarda ishtirok etish uchun maxsus reys bilan Urumchiga yetib keldi.
Shinjonning 1,66 million kvadrat kilometrdan ortiq bo‘lgan keng hududlari haqida Chin yurti rahbari har doim qayg‘urishi qayd etiladi.
2014-yil aprel oyida Shinjonga qilgan tekshiruv safari chog‘ida o‘tkazilgan yig‘ilishda Si Szinpin 1960–1970-yillarda Shinjon Ishlab chiqarish-qurilish korpusiga ishlash uchun kelgan yoshlar haqidagi hikoyalarni esladi.
U shunday degan edi:
“Men o‘sha vaqtda Shensi viloyatining shimoliy qismidagi bir qishloqqa yuborilgan edim va bu yerga juda intilganman. Su Dunpo yozganidek: ‘Kuniga uch yuz dona lichi yesang ham, butun umr Linnanlik bo‘lganingdan afsuslanmaysan’. Shinjonda non, palov, kabob, Xami qovunlari, uzum va yana juda ko‘p ne’matlar bor. Shu bois bizda "Butun umr Shinjonlik bo‘lishdan afsuslanmayman” deyishga to‘liq asos bor.
Si Szinpin Shinjonni juda yaxshi biladi. U bu yerga ilk bor 1980-yillar boshlarida kelgan, keyinchalik esa bir necha bor tashrif buyurgan. Uning izlari Tyanshan tog‘larining janubiy va shimoliy yon bag‘irlarida ham qolgan.
Shinjon boy tabiiy resurslar va qishloq xo‘jaligi mahsulotlariga ega. 2014-yilgi safari davomida Si Szinpin “Shinjon meva korporatsiyasi”ga tashrif buyurdi. Ko‘rgazma zalida turli xil quritilgan mevalar uning e’tiborini tortdi, u ularni tatib ko‘rdi va quyidagi savollarni berdi:
— “Sizning o‘z brendingiz bormi?”
— “Shinjon va Markaziy Osiyo mevalari juda o‘xshash, bu ustunliklardan qanday yanada kengroq foydalanish mumkin?”
Ketayotib, u korxonaga Shinjonning noyob resurslarini faol rivojlantirish, bu orqali iqtisodiy o‘sish va dehqonlar daromadini oshirish bo‘yicha tavsiyalar berdi.
Hududning iqtisodiy va ijtimoiy rivojlanishi, xalq hayotining yaxshilanishi XXR rahbari uchun doimo ustuvor masala bo‘lib kelgani e'tirof etiladi. U “Rivojlanish — Shinjonning uzoq muddatli barqarorligi uchun eng muhim poydevordir” deya qayd etgan.
Si Szinpin Shinjonga qilgan har bir safarida qishloqlar, korxonalar, yashash joylarida bo‘lib, hududda amalga oshirilayotgan o‘zgarishlarni shaxsan ko‘radi. Muhim daqiqalarda u doimo yo‘l ko‘rsatib, Shinjonni olg‘a yetaklab kelmoqda.
2014-yil aprel oyida Janubiy Shinjonning besh okrugi rahbarlari bilan bo‘lgan suhbatda Si Szinpin shunday degan edi:
“Dehqonlar va chorvadorlarga zamonaviy ishlab chiqarish texnologiyalari va bozor iqtisodiyoti asoslarini o‘rgatish, ularga daromadlarini oshirishda yordam berish zarur”.
2022-yil iyul oyida Shinjonga yana tashrif buyurganida, u Turfandagi mashhur uzumzorni ko‘zdan kechirdi. Uzum navlarining ko‘pligini ko‘rib, u hayrat bilan shunday degan edi:
“Bu — tabiatning in’omidir.”
Shuningdek, u madaniyat va turizm integratsiyasini rivojlantirish, odamlar uchun daromad keltiradigan tarmoqlarni yaratish zarurligini ta’kidladi.
O‘sha safar davomida XXR Raisi Urumchidagi Xalqaro quruqlik portini ham ziyorat qildi va hududning strategik ahamiyatini tahlil qilib:
“Ilgari bu ichki viloyat hududi edi, lekin “Bir makon, bir yo‘l’ tashabbusi bilan hammasi o‘zgardi. Endi bu chekka emas, balki markaziy hudud, transport tuguni hisoblanadi”, — dedi.
Rivojlanishning maqsadi — oxir-oqibat, odamlar hayotini yaxshilashdir.
Si Szinpin har doim iqtisodiyotni rivojlantirish va hayot sharoitlarini yaxshilash orqali xalqqa ish bilan ta’minlash, daromad topish va kelajakka umid bilan qarash imkoniyatini yaratish haqida bot-bot so‘z yuritadi. Uning fikricha, hayot doimo yaxshilanib borishi kerak.
U shunday degan edi:
“Rivojlanish hayot sharoitlarining yaxshilanishida, xalq farovonligida, birlikning mustahkamlanishida o‘z aksini topishi kerak”,
“Rivojlanish va barqarorlik, taraqqiyot va yashash sharoitlari, rivojlanish va odamlarning kayfiyati o‘rtasidagi chuqur bog‘liqlikni chuqur anglash lozim. Rivojlanish mevalari xalqqa foyda keltirishi, birlikni mustahkamlashi kerak”.
Bu so‘zlar “boy va ravnaq topgan Shinjon” haqidagi samimiy umidlarni ifodalaydi.
2023-yil avgust oyida Shinjon partiya qo‘mitasi, mahalliy hukumat va Shinjon Ishlab chiqarish-qurilish korpusi hisobotlarini tinglab, Si Szinpin shunday dedi:
“Yangi rivojlanish modeli qurilishi, yuqori sifatli o‘sish va Xitoycha modernizatsiya sharoitida Shinjon uchun yangi imkoniyatlar ochilmoqda — demak, yangi yutuqlarga ham erishish kerak.”
Xitoy nashrlarida qayd etilishicha, kelajakni rejalashtirish, poydevor bo‘ladigan choralarni amalga oshirish — Bosh kotibning Shinjonni rivojlantirish haqidagi chuqur va uzoqni ko‘ra biladigan mulohazalari uzoq yillarga mo‘ljallangan strategiyaga aylanmoqda.
