Polkovnik Timur Kamalitdinovich Ismailov Oʻzbekiston Ichki ishlar vazirining birinchi oʻrinbosari – Jamoat xavfsizligi departamenti boshligʻi etib tayinlandi. Bu haqda IIV matbuot xizmati xabar bermoqda.
Ushbu lavozimda u joriy yilning iyul oyida Prezident davlat xavfsizlik xizmatiga rahbar etib tayinlangan Rustam Joʻrayevning oʻrnini egalladi.
Tayinlovga qadar Ismailov Surxondaryo viloyati Ichki ishlar boshqarmasini boshqarib kelayotgan edi.
