Shinjondagi baland tog‘li Duku avtomobil yo‘li ochilish arafasida. Hozirda trassada mavsumiy qor tozalash ishlari davom etmoqda. Nilka tumanidagi tog‘li hududlarda qishdan keyin qor qalinligi ayrim joylarda ikki metrgacha yetadi. Qatnovni tiklash uchun rotorli qor tozalash texnikalari, yuklagichlar va boshqa maxsus texnikalar jalb qilingan.
Uzunligi 560 kilometrdan ortiq bo‘lgan Duku trassasi Tyan-Shan tog‘lari orqali o‘tib, Shinjonning shimolidagi Dushanzizi shahrini janubdagi Kucha shahri bilan bog‘laydi. Yo‘l tog‘ dovonlari, daralar, dasht va o‘rmon hududlari orqali o‘tgani uchun mamlakatning eng manzarali avtomobil yo‘llaridan biri hisoblanadi.
Iqlim sharoiti sababli mazkur trassa odatda faqat iliq mavsumda — iyun o‘rtalaridan oktabr boshigacha ochiq bo‘ladi. Har yili bahorda yo‘l xizmatlari qor tozalash va texnik tekshiruv ishlarini amalga oshiradi.
Ayni paytda trassada yozgi turistik mavsumga tayyorgarlik ishlari davom etmoqda. Yaqin kunlarda marshrut yana sayyohlar uchun ochilishi kutilmoqda.
