Xitoyning mototsikl ishlab chiqaruvchi ZXMOTO brendi Portugaliyada bo‘lib o‘tgan superbayk bo‘yicha jahon chempionati (WSBK) bosqichida tarixiy natijaga erishdi.
Fransiyalik poygachi Valentin Debise ZXMOTO 820RR-RS mototsiklida WorldSSP toifasidagi har ikkala poygada ham g‘alaba qozondi.
Mazkur natija Xitoy ishlab chiqaruvchisi ushbu seriyada ilk bor shohsupaning eng yuqori pog‘onasiga ko‘tarilgan holat sifatida tarixga kirdi. Ushbu g‘alaba keng rezonans uyg‘otib, nafaqat Xitoyda, balki xorijda ham faol muhokama qilinmoqda.
