Shinjonda qishloq xo‘jaligida, jumladan paxtachilikda yangi texnologik yechimlar joriy etilmoqda. An’anaviy usullar asta-sekin raqamli vositalar va boshqaruv tizimlari bilan boyitilmoqda.
Chanchji shahridagi agro bazalardan birida mutaxassis Syao Chen fermerlarga platforma ishlashini namoyish qilmoqda. Ushbu tizim orqali smartfon yordamida tuproq namligini kuzatish, zararkunandalarni nazorat qilish va sug‘orishni masofadan boshqarish mumkin.
Ishlab chiqarish jarayoni — ekishdan tortib hosil yig‘imigacha — katta darajada mexanizatsiyalashgan. Hududga tashrif buyurgan xorijiy mehmonlar avtomatlashtirish darajasi hamda suv va o‘g‘itlarni aniq me’yor bilan berish tizimlarining samaradorligini alohida ta’kidlashmoqda.
Raqamli texnologiyalar, jumladan “aqlli qurilmalar” (IoT) va ma’lumotlar tahlilidan foydalanish qishloq xo‘jaligi jarayonlarini optimallashtirish imkonini bermoqda. Bu esa hosildorlikni oshirish va fermer xo‘jaliklari samaradorligini kuchaytirishga xizmat qilmoqda.
Shu tariqa, hudud qishloq xo‘jaligi bosqichma-bosqich aniq ma’lumotlar va avtomatlashtirishga asoslangan zamonaviy modelga o‘tmoqda.
