Markaziy bank maʼlumotlariga ko‘ra, O‘zbekistonning oltin-valyuta zaxiralari 77 milliard dollarlik rekord ko‘rsatkichga yetdi.
So‘nggi bir oy ichida ushbu ko‘rsatkich 2 milliard dollarga oshgan.
Zaxiralarning o‘sishi qimmatbaho metallar narxining oshishi bilan bog‘liq. O‘zbekiston Markaziy banki maʼlumotlariga ko‘ra, fevral oyida oltin-valyuta zaxiralari 75 milliard dollarni tashkil etgan.
Zaxiralardagi oltinning jismoniy hajmi 13,1 million troy unsiyaga yetgan, uning qiymati esa 67,6 milliard dollarga baholanmoqda.
Zaxiralarning valyuta qismi 8,8 milliard dollar miqdorida bo‘lgan.
