Oʻzbekistonda shifoxonalar soni 1 987 taga yetdi

2026 yil 1 yanvar holatiga Oʻzbekistonda faoliyat yuritayotgan shifoxona muassasalari soni 1 987 tani tashkil etgan.

Milliy statistika qoʻmitasi maʼlumotlariga koʻra, ushbu koʻrsatkich 2024 yilga nisbatan 15 taga koʻpaygan. Shifoxona muassasalarining 1 384 tasi kichik tadbirkorlik (biznes) subyekti hisoblanadi.

Shuningdek, mazkur davrda respublikada 8 912 ta ambulatoriya-poliklinika muassasasi faoliyat yuritgan boʻlib, ularning 5 929 tasi kichik tadbirkorlik (biznes) subyekti sifatida faoliyat yuritgan. Ularning soni 2024 yilga nisbatan 805 taga koʻpaygan.

Shifoxona muassasalarining hududlar kesimidagi soni:

• Qoraqalpogʻiston Respublikasi — 62 ta;

• Andijon viloyati — 265 ta;

• Buxoro viloyati — 135 ta;

• Jizzax viloyati — 71 ta;

• Qashqadaryo viloyati — 137 ta;

• Navoiy viloyati — 45 ta;

• Namangan viloyati — 201 ta;

• Samarqand viloyati — 194 ta;

• Surxondaryo viloyati — 96 ta;

• Sirdaryo viloyati — 48 ta;

• Toshkent viloyati — 146 ta;

• Fargʻona viloyati — 246 ta;

• Xorazm viloyati — 84 ta;

• Toshkent shahri — 240 ta.