1920-yillarning boshlarida Shanxayning Chjabei tumanidagi Tsin’yunli tor ko‘chasida kichik maktab paydo bo‘ldi. Uning kampusi amalda tor ko‘chaning ichida joylashgani sababli ta’lim muassasasi “tor ko‘chadagi universitet” deb atalgan.
1922 yil 23 oktyabrda “Min’guo jibao” gazetasi Shanxay universiteti tashkil etilgani haqida xabar berdi. U Janubi-Sharq pedagogika bilim yurti negizida tashkil topgan va besh yildan kamroq vaqt faoliyat yuritgan. Shu davrda universitet Gomindan va Xitoy Kommunistik partiyasi hamkorlik qilgan maskanlardan biriga aylandi.
1924 yil mart oyida bu yerda Vampu akademiyasiga kirish imtihonlari o‘tkazildi. O‘qituvchilar va talabalar yoshlarni harbiy akademiyada tahsil olish uchun tavsiya qildi. Bu esa ikki ta’lim muassasasini o‘zaro bog‘ladi.
1925 yil 30 mayda Shanxay, Fudan va Tuntszi universitetlari talabalari Nankin ko‘chasiga chiqdi. Xalqaro konsessiya politsiyasi namoyishchilarga qarata o‘t ochdi. Halok bo‘lganlar orasida Shanxay universiteti talabasi Xe Bin’i ham bor edi.
1927 yilda universitet yopildi. Bugungi kunda uning tarixini saqlanib qolgan gazeta materiallari va muzey ekspozitsiyasi eslatib turadi.
