Qirg‘iziston poytaxti Bishkek shahrida Xitoy Media Korporatsiyasining filmlari, seriallari va teledasturlarini namoyish etish boshlandi.
Tez orada mahalliy tomoshabinlarga qirg‘iz va rus tillariga tarjima qilingan 10 ga yaqin eng yaxshi Xitoy kino va teledasturlari taqdim etiladi. Ular orasida "Tog‘lar va dengizlar orqali maktublar", "Xitoy hunarmandchiligi qaydlari: robotlar", "Xuanxe daryosi balladasi" va "Anorlar ifori" kabi loyihalar bor.
Ushbu dasturlar mamlakatning yetakchi ommaviy axborot vositalari — Qirg‘iziston Respublikasi Davlat teleradiokompaniyasi, "Nomad TV" telekanali va boshqa OAVlar orqali namoyish etiladi.
Ta’kidlanishicha, mazkur taqdimot mahalliy tomoshabinlarga zamonaviy Xitoy haqida turli jihatlardan — ijtimoiy rivojlanish, madaniy an’analarni asrab-avaylash, oddiy insonlarning kundalik hayoti hamda texnologik innovatsiyalar orqali yanada yaxshiroq tasavvurga ega bo‘lish imkonini beradi.
Shuningdek, ushbu loyihalar orqali tomoshabinlar Si Szinpinning davlat boshqaruvi borasidagi g‘oyalari mazmunini chuqurroq anglash, shuningdek, Xitoy modernizatsiyasining istiqbollari va salohiyatini his etish imkoniyatiga ega bo‘lishlari qayd etilgan.
