O‘ttiz yil avval Janubi-g‘arbiy Neft institutini tamomlagan Chji Dunmin Shinjondagi Gobi sahrosiga ishga yo‘l oldi. Bugungi kunda u Xitoyning neft geologik-qidiruv ishlari bo‘yicha bosh eksperti hamda Huayjou Milliy laboratoriyasining Shinjon filiali direktorining o‘rinbosari lavozimida faoliyat yuritmoqda.
Mehnat faoliyatining dastlabki yillarida Chji Dunmin Qoramoy neft konini o‘rganish ishlarida qatnashdi. Mazkur hududda uzoq yillar davomida yirik neft zaxiralarini aniqlashning imkoni bo‘lmagan. U hamkasblari bilan birgalikda o‘n yildan ortiq vaqt davomida yangi qidiruv usullarini ishlab chiqish ustida ishladi va natijada shag‘alli jinslarda neft izlash nazariyasini yaratishga muvaffaq bo‘ldi.
Mazkur ilmiy tadqiqotlar natijasida taxminan 1 milliard tonna neft zaxirasiga ega Mahu neft koni kashf etildi. Ushbu kon geologik tuzilishi jihatidan dunyodagi eng yirik neft koni hisoblanadi.
Keyinchalik Chji Dunmin boshchiligidagi jamoa Jung‘or havzasining janubiy qismida ham tadqiqotlarni davom ettirdi. Olib borilgan izlanishlar yangi neft zaxiralarining aniqlanishiga hamda murakkab geologik sharoitlarda geologik-qidiruv texnologiyalarini yanada takomillashtirishga xizmat qildi.
