Roʻyxatga olingan xorijiy fuqarolar soni haqida maʼlumot berildi. Bu haqida aholi va qishloq xoʻjaligini roʻyxatga olish tadbirining dastlabki natijalariga bagʻishlangan matbuot anjumanida maʼlum qilindi.
Maʼlum qilinishicha, Oʻzbekiston hududida 1-yildan ortiq muddat istiqomat qilayotgan 56 860 nafar xorijiy fuqaro roʻyxatga olingan. Shundan 19 300 nafari Toshkent shahrida istiqomat qilmoqda.
Roʻyxatga olingan xorijiy fuqarolar davlatlar kesimida quyidagicha taqsimlangan:
Hindiston — 13 312 nafar;
Rossiya Federatsiyasi — 10 826 nafar;
Qozogʻiston — 9 425 nafar;
Tojikiston — 5 722 nafar;
Turkmaniston — 5 347 nafar;
Qirgʻiziston — 4 397 nafar;
Pokiston — 1 433 nafar;
Xitoy — 1 031 nafar;
Turkiya — 811 nafar;
Koreya Respublikasi — 691 nafar;
Boshqa davlatlar — 3 865 nafar.
