XXRning Shinjon-uyg‘ur avtonom rayonining Aksu okrugi Baychen tumanida 18-may — Xalqaro muzeylar kuni munosabati bilan tadbirlar bo‘lib o‘tmoqda. Bu yilgi mavzu — “Muzeylar: olamlar o‘rtasidagi ko‘prik” deb nomlandi.
Tarixiy Buyuk Ipak yo‘li marshrutida joylashgan Baychen tumani muzeyi rasman faoliyat boshladi. Muzey majmuasining umumiy maydoni 20 ming kvadrat metrni tashkil etadi. Bu yerda qadimiy Kucha shahri madaniyati, mintaqa tarixi, tabiiy resurslari hamda nomoddiy madaniy merosga bag‘ishlangan ekspozitsiyalar o‘rin olgan.
Ekspozitsiyalarda Kucha shahri madaniyati va g‘or ibodatxonalariga alohida e’tibor qaratilgan. Ular Buyuk Ipak yo‘lining muhim tarixiy merosi bo‘lib, Sharq va Markaziy Osiyo o‘rtasidagi ko‘p asrlik madaniy aloqalarni aks ettiradi.
Tadbirlar doirasida nomoddiy madaniy meros yarmarkasi ham tashkil etildi. Unda an’anaviy hunarmandchilik mahsulotlari va hududga xos milliy taomlar namoyish qilindi.
Tashkilotchilar ta’kidlashicha, yangi muzey tarixiy xotirani asrash, madaniy almashinuvni rivojlantirish hamda Buyuk Ipak yo‘li yo‘nalishlarida turizmni kengaytirishga xizmat qiladi.
