Urumchi xalqaro quruqlik porti Xitoyning g‘arbiy yo‘nalishidagi asosiy logistika markazlaridan biri sifatida rivojlanmoqda. U “Bir makon — bir yo‘l” tashabbusi doirasida mamlakatning ichki hududlari va Yevroosiyo bozorlari o‘rtasidagi muhim bog‘lovchi bo‘g‘in vazifasini bajarmoqda.
Tarixan ushbu hududlar orqali Sharq va G‘arb o‘rtasidagi savdo aloqalarini ta’minlagan Buyuk ipak yo‘li o‘tgan. Bugungi kunda uning vazifasini asosan temiryo‘l infratuzilmasi bajarib kelmoqda. Konteyner poyezdlari yuklarni muntazam tashishni ta’minlab, Urumchi quruqlik porti muhim taqsimlash markazi sifatida faoliyat yuritmoqda.
Jahon iqtisodiyoti va diplomatiya universiteti huzuridagi Osiyo–Tinch okeani tadqiqotlari markazi direktori Bobohon Nos Abbosning ta’kidlashicha, Markaziy Osiyo davlatlari bilan chegaradosh bo‘lgan Shinjon hududi mintaqaviy hamkorlikni rivojlantirishda muhim o‘rin tutadi. Uning so‘zlariga ko‘ra, “Bir makon — bir yo‘l” tashabbusi doirasidagi transport-logistika loyihalari iqtisodiy aloqalarni mustahkamlashga, jumladan Xitoy va O‘zbekiston o‘rtasidagi hamkorlikni kengaytirishga xizmat qilmoqda.
Quruqlik portining rivojlanishi tarixiy savdo yo‘llaridan zamonaviy transport infratuzilmasiga o‘tish jarayonini aks ettirib, hududlararo hamkorlikni kengaytirishga yo‘naltirilganini ko‘rsatmoqda.
