Qirg‘izistonda ham AES qurilishi mumkin

foto:Leningrad AES

Qirg‘iziston hukumati “Rosatom” bilan hamkorlikda atom energetikasini rivojlantirish imkoniyatlarini o‘rganib, AES qurilishi uchun maqbul joy izlashda davom etmoqda.

“Eldik” deputatlar guruhi yig‘ilishida mamlakat energetika vaziri Talaybek Ibrayev mamlakatda atom elektr stansiyasiga ehtiyoj borligini, chunki u barqaror energiya ta’minotini ta’minlashning eng ishonchli texnologiyalaridan biri hisoblanishini ta’kidlagan. Vazir stansiya qurilishi besh-olti yil davom etishini, joy tanlash davom etayotganini qo‘shimcha qilgan.

“U uskunalarni sovitish uchun suv manbalari yaqinida joylashgan bo‘lishi va elektr tarmog‘iga ulanishi kerak” deya qo‘shimcha qildi vazir.

Ibroyev, shuningdek, ish faqat aholi qo‘llab-quvvatlashi orqaligina boshlanishini aytgan. Uning qo‘shimcha qilishicha, qo‘shni davlatlar allaqachon atom energetikasini faol rivojlantirmoqda. Noyabr oyida OAV vakillari uchun Turkiyadagi Akkuyu AES tanishuv safarini tashkil etish rejalashtirilgan.

Qirg‘izistonda ham AES qurilishi mumkin

Ushbu kategoriya yangiliklari