3 ming yil avval qurilgan yoʻl qoldiqlari xitoylik arxeologlar tomonidan topilgan. Bu kashfiyot Xenan provinsiyasining Anyang shahrida amalga oshirilgan. Qadimgi yoʻl shimoldan janubga oʻtgan.
Yoʻl yuzasida gʻildirak izlari bor. U boʻylab 1,6 km uzunlikdagi ariq qazilgan. Olimlarning fikricha, bu Shang (Yin) sulolasi (miloddan avvalgi 1600 — 1046-yillar) poytaxti oʻrnida topilgan eng uzun shahar koʻchasidir.
Yoʻlning topilishi boshqa arxeologik topilmalar qatori olimlarga qadimiy shahar koʻchalari tartibini yaxshiroq tushunishga yordam berdi. Shunday qilib, u yerda shimoldan janubga bir-biriga parallel boʻlgan uchta asosiy magistral qurilgan. Shuningdek, sharqdan gʻarbga olib boruvchi uchta yoʻl bor edi, deya xabar beradi Sinxua