Joriy yilning 2-5-iyul kunlari Oʻzbekiston hududiga janubdan juda issiq havo oqimlari kirib kelishi kutilmoqda. Bu haqda Favqulodda vaziyatlar vazirligi axborot xizmatiga tayanib "Xalq so‘zi" nashri veb sayti xabar berdi.
Foto: xs.uz
Gidrometeorologiya xizmati agentligi tomonidan berilgan maʼlumotga koʻra, 2-iyul kuni Oʻzbekistonning shimoliy, janubiy va choʻl hududlarida, 3-5-iyulda respublika hududning katta qismida havo harorati 40-43 darajagacha, janubda va choʻl hududlarda baʼzi joylarda 44-46 darajagacha koʻtariladi.
Respublika boʻyicha shamol tezligi 13-18 m/s gacha, 3-5-iyulda ayrim joylarda baʼzida 20-25 m/s gacha kuchayishi, baʼzi joylarda chang-toʻzonlar bilan kuzatilishi kutilmoqda.
Shu oʻrinda Favqulodda vaziyatlar vazirligi fuqarolardan avtomobillarini daraxtlar va yengil konstruksiyali qurilmalar ostida qoldirmasliklarini soʻragan.