Ertaga, 22-iyuldan boshlab “Jaloliddin Manguberdi” yuqori tezlikdagi elektropoyezdining ikkinchi tarkibi Toshkent – Xiva – Toshkent yoʻnalishida muntazam qatnovni boshlaydi. Bu haqida Transport vazirligi xabar berdi.
Qatnov kunlari:
Toshkent → Xiva — dushanba, chorshanba va juma;
Xiva → Toshkent — seshanba, payshanba va shanba.
Joʻnash vaqti: Toshkent — 07:00, Xiva — 07:15.
Safar davomiyligi — 7 soat 36 daqiqa.
Maʼlumot uchun, ushbu loyiha davlatimiz rahbarining 2023-yil 10-oktyabrdagi PQ–329-son qarori asosida Koreya Eksimbanki hamkorligida amalga oshirilmoqda.
“Yangi tarkibning qatnovga chiqarilishi yoʻlovchilarga yanada qulay, tezkor va zamonaviy temiryoʻl xizmatlarini taqdim etishga xizmat qiladi”, — deyiladi vazirlik xabarida.
