Bugun, 2-iyul kuni soat 14:00 holatiga koʻra, Oʻzbekistondagi quyosh va shamol elektr stansiyalari tomonidan 2026-yil boshidan beri ishlab chiqarilgan elektr energiyasi hajmi 6 mlrd kVt⋅soatga yetdi. Bu haqida Energetika vazirligi maʼlumot berdi.
Bildirilishicha, quyosh fotoelektr stansiyalari tomonidan 3,8 mlrd kVt⋅soat, shamol elektr stansiyalari tomonidan esa 2,2 mlrd kVt⋅soat, jami 6 mlrd kVt⋅soat elektr energiyasi ishlab chiqarilgan.
Eslatib oʻtamiz, 8-iyun kuni quyosh va shamol elektr stansiyalari tomonidan 2026-yil boshidan beri ishlab chiqarilgan elektr energiyasi hajmi 5 mlrd kVt⋅soatni tashkil qilgan edi.
2026-yil boshidan quyosh va shamol elektr stansiyalari tomonidan ishlab chiqarilgan elektr energiyasi hajmi 2025-yilning mos davridagiga nisbatan 1,2 mlrd kVt·soat yoki 24,3 foizga koʻp elektr energiyasi ishlab chiqarilgan.
Buning natijasida:
1,6 mlrd kub metr tabiiy gaz tejalishiga erishilgan;
atmosferaga 3,4 mln tonna zararli moddalar chiqishining oldi olingan.
Joriy yil boshidan bugun, 2-iyul kuni holatiga Oʻzbekistondagi barcha gidroelektr, quyosh va shamol elektr stansiyalari tomonidan 10,1 mlrd kVt·soat elektr energiyasi ishlab chiqarilgan.
Buning natijasida esa:
2,6 mlrd kub metr tabiiy gaz tejalishiga erishilgan;
atmosferaga 5,7 mln tonna zararli moddalar chiqishining oldi olingan.
Maʼlumot uchun, mazkur hajmdagi elektr energiyasi oʻrtacha 8,2 mln xonadonning 6 oylik yoki 4,1 mln xonadonning bir yillik meʼyoriy bazasini tashkil qiladi.
