Toshkent shahri Chilonzor tumanida quruq oʻt va eski avtomobil shinalari yonib ketdi. Bu haqda "Xalq so‘zi" nashri veb sayti xabar berdi.
Poytaxt Favqulodda vaziyatlar boshqarmasi hodisa yuzasidan maʼlumot bergan.
Qayd etilishicha, bugun, 15-iyul kuni soat 14:17 da Toshkent shahar Chilonzor tumani Chilonzor koʻchasidagi ochiq maydonda quruq oʻt va eski avtomobil shinalari yonayotganligi toʻgʻrisida shahar FVBga xabar kelib tushgan.
Shunga koʻra, yongʻin-qutqaruv texnikalari aytilgan manzilga soat 14:25 da yetib borib, 14:52 da yongʻinni qurshab olgan va 15:06 da toʻliq oʻchirgan.
“Yongʻin oqibatida jabrlanganlar yoʻq”, deb yozadi FVB.