Xitoy Tashqi ishlar vazirligi Tayvan masalasi bo‘yicha o‘zining qat'iy pozitsiyasini yana bir bor ta'kidladi
Xitoy Tashqi ishlar vazirligi Qo‘shma Shtatlarni "yagona Xitoy" tamoyilini buzishni to‘xtatishga chaqirdi. Bu haqda Xitoy tashqi ishlar vazirligi rasmiy vakili Van Venbin amerikalik siyosatchilarning Tayvan orolida inauguratsiya marosimi bo‘lib o‘tgan Lay Tsindega yo‘llagan tabriklarini izohlar ekan, aytib o‘tdi.
U Xitoyning Qo‘shma Shtatlarga Tayvanni Xitoyni ushlab turish vositasi sifatida ishlatmaslik va "yagona Xitoy" tamoyilini buzish va susaytirishni to‘xtatish bo‘yicha o‘z majburiyatlarini vijdonan bajarishga chaqirdi.
Van Venbinning aytishicha, "yagona Xitoy" tamoyili xalqaro hamjamiyatning umumiy konsensusi va xalqaro munosabatlarning asosiy normasi, shuningdek, Pekinning boshqa davlatlar bilan munosabatlarini rivojlantirishning siyosiy asosidir. Ko‘pgina davlatlar va xalqaro tashkilotlar XXR hukumati va xalqini mamlakatni birlashtirish va "Tayvan mustaqilligi" ga qarshi kurashda qat'iy qo‘llab-quvvatlaydi.
"Oroldagi siyosiy vaziyat qanday bo‘lishidan qat'i nazar, bo‘g'ozning ikkala tomoni yagona Xitoyga tegishli ekanligi haqidagi tarixiy va huquqiy faktlar o‘zgarishsiz qolmoqda", - dedi u.
Diplomatning so‘zlariga ko‘ra, ayrim davlatlardagi ba'zi siyosatchilar Tayvan mavzusida manipulyatsiya va "shaxsiy PR-shou"larga berilishadi va bu orqali XXR ichki ishlariga jiddiy aralashadilar ham.
"Biz milliy suverenitetimiz va hududiy yaxlitligimizni himoya qilish uchun barcha zarur choralarni ko‘ramiz", - deya ogohlantirdi Xitoy Tashqi ishlar vazirligi vakili.
Xitoyning Tayvan muammosi boʻyicha qatʼiy pozitsiyasini XKP Markaziy Qoʻmitasi Siyosiy byurosi aʼzosi, Xitoy Xalq Respublikasi tashqi ishlar vaziri Van I Ostonada ShHTga aʼzo davlatlar tashqi ishlar vazirlari kengashining yigʻilishida soʻzlagan nutqida yana bir bor bildirdi.
Van I Tayvan masalasi Xitoyning asosiy manfaatlaridan biri ekanligini, “Tayvan mustaqilligi” tarafdorlarining separatistik faoliyati Tayvan boʻgʻozida tinchlik oʻrnatish uchun eng buzgʻunchi omil ekanligini aytdi.
Xitoy Tashqi ishlar vazirligi rahbari "Lay Tsinde to‘dasi faoliyati millat va ajdodlarga sharmandalik" deya qayd etigan.
“Ular qancha urinmasin, Xitoyni oxir-oqibat toʻliq birlashishga erishishdan toʻxtata olishmaydi. Tayvan, albatta, Vatan quchogʻiga qaytadi va “Tayvan mustaqilligi” tarafdori boʻlgan barcha separatistlar tarix tomonidan qoralanadi”, dedi xitoylik diplomat.
U ShHTga aʼzo davlatlar barcha davlatlarning suvereniteti va hududiy yaxlitligini himoya qilish tamoyiliga hamda xalqaro munosabatlarning asosiy meʼyorlariga tayanib, Xitoy tomoni yuksak qadrlaydigan “yagona Xitoy” tamoyiliga qatʼiy amal qilishini taʼkidladi.
Van I barcha ShHT davlatlari “Tayvan mustaqilligi” tarafdorlarining separatistik harakatlariga qarshi chiqqan va milliy birlashishga intilayotgan Xitoy xalqining adolatli ishini qo‘llab-quvvatlashda davom etishiga ishonch bildirdi.