Xitoyning taniqli Ice Universe insayderiga ko'ra, iPhone 17 Pro Max flagman smartfonining qalinligini hozirgi avlod iPhone 16 Pro Max bilan solishtirishtirganda qalinroq bo'lishi kutilmoqda. Ularning fikriga ko'ra, qalinligining oshishi, ehtimol, sig'imli batareyaning o'rnatilishi bilan bog'liq. Bu haqda MacRumors nashri xabar berdi.

Ice Universe ma'lumotlariga ko'ra, iPhone 17 Pro Max qalinligi 8,725 mm gacha oshadi, iPhone 16 Pro Max qalinligi esa 8,25 mm. Qalinligidagi farq 0,475 mm bo'ladi, o‘lchamning oshishi bevosita Apple’ning kattaroq akkumulyator o‘rnatish niyatidan dalolat beradi. iPhone 17 Pro Max korpusining qolgan o‘lchamlari, jumladan ramkasi ham iPhone 16 Pro Max bilan bir xil bo‘lib qoladi.

Aytilishicha, iPhone 17 Pro premium modellari iPhone 15 Pro va 16 Pro-da ishlatiladigan titan ramkalardan farqli o'laroq, alyuminiy ramkaga qaytadi. Ma’lumotlarga ko‘ra, qurilmalarning orqa paneli alyuminiy va shisha kombinatsiyasidan iborat yangi dizaynga ega bo‘ladi.

Ice Universe, shuningdek, iPhone 17 Pro Max va butunlay yangi ultra yupqa iPhone 17 Air o‘lchamlari bo‘yicha bir xil bo‘ladi, faqat qalinligi farqi bundan mustasno.