15 iyul kuni Xitoy poytaxtida Xitoy Kommunistik partiyasi Markaziy qo'mitasining (XKP Markaziy komiteti) 20-chaqiriq 3-plenumi ochildi.
XKP Markaziy komiteti bosh kotibi Si Szinpin XKP Markaziy komiteti politbyurosi nomidan ma'ruza qildi va XKP Markaziy komitetining islohotlarni har tomonlama chuqurlashtirish va Xitoy modernizatsiyasini ilgari surish to'g'risidagi qarori loyihasi bo'yicha tushuntirishlar berdi.
15-18 iyul kunlari Pekinda bo'lib o'tadigan 20-chaqiriq XKP Markaziy komiteti 3-Plenumini chaqirish to'g'risidagi qaror 27-iyun kuni XKP Markaziy komiteti Politbyurosining majlisida qabul qilingandi.
XKP Markaziy komiteti bosh kotibi Si Szinpin raisligida o'tkazilgan yig'ilishda islohotlarni har tomonlama chuqurlashtirish va Xitoy modernizatsiyasini ilgari surish bilan bog'liq masalalar muhokama qilindi.
Kelgusi plenumda XKP Markaziy komitetining islohotlarni har tomonlama chuqurlashtirish va Xitoy modernizatsiyasini ilgari surish to'g'r'sidagi qarori loyihasini ko'rib chiqish uchun taqdim etish to'g'risida qaror qabul qilindi.
Ta'kidlanishicha, loyiha Xitoy modernizatsiyasini ilgari surishda yuzaga kelgan yangi vaziyat va muammolarni chuqur tahlil qildi, shuningdek, islohotlarni har tomonlama chuqurlashtirishning bosh rejasini ilmiy jihatdan shakllantirdi.
Loyiha yangi kampaniyada islohotlarni har tomonlama chuqurlashtirishga qaratilgan dasturiy hujjat bo'lib xizmat qiladi va uning yadrosi o'rtoq Si Szinpin bo'lgan partiya Markaziy qo'mitasining islohotlarni har tomonlama chuqurlashtirish orqali Xitoy modernizatsiyasining keng istiqbollarini ochishga qaror qilganligini namoyish etadi.
Islohotlarni har tomonlama chuqurlashtirishning umumiy maqsadini tushuntirib, yig'ilishda Xitoyda 2035- yilga qadar yuqori darajadagi sosialistik bozor iqtisodiyoti tizimi to'liq qurilishi ta'kidlandi.
2035 yilga kelib Xitoyda asosan davlat boshqaruvi tizimi va salohiyatini modernizatsiya qilish, shuningdek, sosialistik modernizatsiya amalga oshiriladi.