Xarbindagi qishki Osiyo o‘yinlarida hamyurtimiz Daniil Yeybog yana ikki yo‘nalishda startga chiqdi va ularni omadli yakunladi.

Short-trekchimiz 500 metr masofada kechgan saralash dasturida 41,143 soniya, 1000 metr masofada esa 1:29:268 daqiqa bilan har ikki yo‘nalishda chorak finalga yo‘l oldi. 

U ikkala yo‘nalishda ham o‘z guruhida ikkinchi bo‘lib marra chizig‘ini kesib o‘tdi.

Eslatib o‘tamiz, Daniil Yeybog mamlakatimiz delegatsiyasining Xarbin-2025 dagi ishtirokini muvaffaqiyatli boshlab berib, 1500 metr masofaga kechgan poyganing chorak finalida 2:30:60 daqiqalik natijani qayd etib, yarim finalga yo‘l olgandi.