Braziliya 6 va 7 iyul kunlari Rio-de-Janeyroda BRIKS sammitiga mezbonlik qiladi. Bu haqda mamlakat tashqi ishlar vaziri Mauro Viyeyra ma’lum qildi.
Braziliya 1-yanvar kuni BRIKSga navbatma-navbat raislikni o‘z zimmasiga oldi hamda davlat va hukumat rahbarlari ishtirok etadigan sammitning kun tartibi va mavzularini tayyorlash bo‘yicha ishchi guruhlarga rahbarlik qildi.
Bu haqda M. Viyeyra Rio-de-Janeyro meri Eduardu Paes bilan uchrashganidan so‘ng ma’lum qilindi. Qaror o‘tgan yilning noyabr oyida shaharda "G20" sammitining muvaffaqiyatli o‘tkazilishi fonida qabul qilingan.
"Biz BRIKSning to‘laqonli a’zolari va hamkorlari bo‘lgan 20 ta davlat rahbarlarini qutlaymiz, ushbu mamlakatlarda rivojlanish, hamkorlik va turmush sharoitlarini yaxshilash bo‘yicha muhim qarorlar qabul qilamiz. Rio-de-Janeyro yana yirik xalqaro tadbir maydoniga aylanadi," - dedi M. Viyeyra.
Tadbirni tashkil etishni nazorat qilish bo‘yicha komissiya tuzgan E.Paes BRIKS sammiti xalqaro munosabatlarni mustahkamlashga xizmat qilishini ta’kidladi.