O‘zbekiston terma jamoasi va Rossiyaning “SSKA” klubi yarim himoyachisi Abbosbek Fayzullayev faoliyatini Yevropa klublaridan birida davom ettirishi mumkin. Bu haqida Ispaniyaning taniql Marca nashri xabar berdi.
Qayd etilishicha, ayni paytda klublar o‘rtasida muzokara ketmoqda. Qayd etish kerak, "Transfermarkt" portali Abbosbekning narxini 6 mln yevroga baholagan.
Fayzullayev joriy mavsum “SSKA” klubida barcha musobaqalarda 32 ta uchrashuvda madyonga tushib, 5 ta gol va 14 ta assist muallifiga aylandi va Rossiya chempionatida “Mavsum kashfiyoti” sovriniga loyiq ko‘rildi.