O‘zbekiston Bosh konsulxonasi xodimlari Qozog‘iston Respublikasi, Turkiston viloyati o‘zbeklar etnomadaniy markaziga o‘zbek tilidagi uch yuzga yaqin kitoblarni topshirdilar. Bu haqda "Dunyo" axborot agentligi xabar berdi.
Foto: "Dunyo" AA
Qayd etilishicha, tadbirda Bosh konsulxona xodimlari va Turkiston viloyati o'zbeklari etnomadaniyati markazi rahbari Bahodir Irismetov, "Janubiy Qozog'iston" gazetasi bosh muharriri Rayimjan Alibayev va markaz faollari ishtirok etdi.
O‘zbekiston Yozuvchilar uyushmasi tomonidan taqdim etilgan ushbu kitoblar o‘zbek tili va madaniyatini targ'ib qilish qilish uchun Turkiston shahrida yangi qurilayotgan maktabga yetkaziladi.
Uchrashuvda, shuningdek, Etnomadaniyat markazi rahbariyati bilan o'zbek tili va madaniyatiga oid tadbirlarni birgalikda tashkil etish bo'yicha yaqin istiqboldagi rejalar ham kelishib oldindi.