“Oʻzbekiston temir yoʻllari” AJ tezyurar poyezdlarning ertalabki qatnov vaqtini oʻzgartirishni rejalashtirmoqda. Bu haqda “Oʻzbekiston temir yoʻllari” AJ matbuot xizmati xabar berdi.
Qayd etilishicha, bu xorijiy hamda mahalliy sayyohlarning tarixiy shaharlarda uzoqroq boʻlishini taʼminlash maqsadida amalga oshirilishi mumkin.
“Afrosiyob” elektropoyezdlari ertalabki qatnovi vaqtini 1 soat oldinga surish taklif qilinmoqda.
Jumladan:
- Toshkent – Qarshi yoʻnalishida poyezdning amaldagi joʻnash vaqti soat 7:24, taklif qilinayotgan vaqt – 6:24;
- Toshkent – Samarqand, amaldagi joʻnash vaqti 7:47, taklif qilinayotgan vaqt – 6:47;
- Toshkent – Buxoro, amaldagi joʻnash vaqti 8:23, taklif qilinayotgan vaqt – 7:23;
- Toshkent – Buxoro, amaldagi joʻnash vaqti 8:50, taklif qilinayotgan vaqt – 7:50.