Surxondaryo viloyatida poyezd yoʻliga chiqqan “Lacetti” rusumli avtomashinani urib yubordi. Bu haqda viloyat Yoʻl harakati xavfsizligi boshqarmasi axborot xizmati ma'lum qildi.
Qayd etilishicha, 2024 yil 06 avgust kuni soat 12:40 larda Surxondaryo viloyati, Qumqo‘rg‘on tumani “Joziba” mahallasi hududidan o‘tuvchi 4N 1591 avtomobil yo‘lning 0 kilometrida 2000 yilda tug‘ilgan haydovchi "Lasetti" rusumli avtomobilda “Qumqo‘rg‘on-Elbayon” temir yo‘l bekati oralig‘idagi temir yo‘l kesishmasida o‘rnatilgan ogohlantiruvchi svetoforning ta’qiqlovchi ishorasiga bo‘ysunmay harakatni davom ettirgan vaqtida, shu yo‘nalishdan harakatlanib kelayotgan “Sariosiyo-Termiz” yo‘lovchi poyezdi bilan to‘qnashgan. Natijada haydovchi olgan tan jaroxatlari tufayli voqea joyida vafot etgan.
Mazkur holat yuzasidan Qumqo‘rg‘on tumani IIB Tergov guruhi tomonidan tergovga qadar surishtiruv ishlari olib borilmoqda.