Toshkentda 15 yoshli oʻsmir yashash xonadonining derazasidan tushib ketib, vafot etdi. Bu haqda “Xalq soʻzi” nashri veb sayti Bosh prokuratura matbuot kotibi Hayot Shamsutdinovga tayanib maʼlum qildi.
Bildirilishicha, joriy yilning 4-avgust kuni Sergeli tumanida istiqomat qiluvchi 2009-yilda tugʻilgan voyaga yetmagan X. S. yashash xonadonining 5-qavat derazasidan oʻz ehtiyotsizligi oqibatida yerga tushib ketgan. U tez yordam mashinasida RShTYIMga olib kelingan va tibbiy yordam koʻrsatilgan. Ammo muolajalarga qaramasdan oʻsmir vafot etgan.
Foto: Xs.uz
Marhum 2-guruh nogironi boʻlganligi, shuningdek, aqli zaifligi sababli ruhiy asab kasallar dispanserida roʻyxatda turganligi maʼlum boʻlgan.