Gʻoyibnazarov Bahodir Rixsialiyevich Toshkent shahri Mirzo Ulugʻbek tumanining hokimi etib tayinlandi. Bu haqda poytaxt hokimi matbuot xizmatiga tayanib "Xalq so‘zi" nashri veb sayti xabar berdi.
Ta'kidlanishicha, Bahodir Gʻoyibnazarov 1970-yilda Toshkent viloyatida tugʻilgan. Maʼlumoti oliy, 1997-yilda Toshkent davlat agrar universitetini iqtisodchi-tashkilotchi, 2005-yilda Oʻzbekiston Milliy universitetini huquqshunos mutaxassisliklari bilan tamomlagan.
Gʻoyibnazarov 2018-yildan beri mazkur lavozimda ishlab kelgan Shavkatbek Irgashevning oʻrnini egalladi.
U 2021-yildan shu kunga qadar Toshkent shahar hokimligi tashkiliy-kadrlar boʻlimi boshligʻi lavozimida faoliyat yuritib kelgan.
Eslatib oʻtamiz, avvalroq Abubakirov Bobir Yoʻldoshovich Shayxontohur tumanining hokimi etib tayinlangani haqida xabar berilgan edi.