O‘zbekiston Qurolli kuchlari dunyoning eng kuchli armiyalari reytingida 19-o‘rinni egalladi. Bu haqda “US News and World Report” nashri tomonidan tuzilgan reytingda keltirilgan.

Tadqiqotga ko‘ra, reytingda Rossiya, AQSH va Isroil yetakchilik qilmoqda. Undan keyingi o‘rinlarni Xitoy, Janubiy Koreya, Eron, Buyuk Britaniya, Ukarina, Germaniya hamda Turkiya egallagan. 2023 yilda uchinchi o‘rinni egallagan Xitoy to‘rtinchi o‘ringa tushib ketdi. Kuchli 20 talikni Iordaniya yakunlagan.

O‘zbekistonga qo‘shni davlatlardan faqat Qozog‘iston reytingga kiritilib, 22-o‘rinni egalladi. Nashrning yozishicha, qo‘shinlarning kuchi global so‘rov ishtirokchilarining fikrlari asosida baholangan.