Toshkent shahrida “Lixiang” yoʻl chetidagi temir toʻsiqqa urildi. Bu haqda poytaxt IIBB YHXBga tayanib "Xalq so‘zi" nashri veb sayti xabar berdi.
Foto: IIBB YHXB
Qayd etilishicha, hodisa kecha, 24-dekabr kuni Toshkent shahar Yunusobod tumani Amir Temur koʻchasida soat 20:10 larda sodir boʻlgan. 1974-yilda tugʻilgan B.A. “Lixiang” avtomashinasini boshqarib ketayotib, rul boshqaruvini yoʻqotib, yoʻl chetidagi temir ustunga toʻqnashgan.
Hodisa oqibatida haydovchi birinchi tez tibbiy yordam koʻrsatish maqsadida shifoxonaga olib ketilgan.
Mazkur holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.