Jahon boks tashkiloti (WBO) super yarimoʻrta vazn toifasidagi eng yaxshi bokschilar reytingini yangiladi. Bu haqida Oʻzbekiston professional boks federatsiyasiga tayanib "Xalq so‘zi" nashri veb sayti xabar qildi.
Ahamiyatlisi shundaki, mazkur vazn toifasida jang qiluvchi sobiq jahon chempioni Isroil Madrimov tashkilot reytingida oʻtgan oydagidan uch pogʻona yuqorilab, yettinchi oʻrindan joy oldi.
Ayni paytda WBO chempionlik kamari amerikalik Sebastyan Fundoraga tegishli boʻlib turibdi.
WBOning dekabr oyi uchun yangilangan reytingi quyidagicha koʻrinishga ega:
1. Xander Zayas
2. Charlz Konvell
3. Josh Kelli
4. Xorxe Garsiya
5. Cherdal Buker
6. Areal Xolms
7. Isroil Madrimov
8. Sergey Bogachuk
9. Nikita Szyu
10. Xesus Ramos.