Toshkent shahriga kuchli taʼsir qiluvchi psixofaol dori vositalarini yetkazib beruvchi yirik “narkolaboratoriya” faoliyatiga chek qoʻyildi. Bu haqda Toshkent viloyati IIBB matbuot kotibiga tayanib "Xalq so‘zi" nashri veb sayti xabar berdi.
Foto: xs.uz
Qayd etilishicha, Toshkent viloyati IIBB va DXX viloyat boshqarmasi hamkorligida poytaxtning Shayxontohur tumanida tezkor tadbir oʻtkazilgan.
Tadbir davomida huquq tartibot organlari xodimlari tomonidan 80 mingdan ortiq odamni zaharlashi mumkin boʻlgan, qora bozordagi qiymati 10 milliard soʻmga teng, giyohvandlik vositalari va kuchli taʼsir qiluvchi dorilar ishlab chiqarilishining oldi olingan.