“Oʻzaviatsiya” agentligi Malayziya, Janubiy Koreya va Misr aviakompaniyalarining Oʻzbekistonga muntazam parvozlariga ruxsat berdi. Bu haqda "Xalq so‘zi" nashri veb sayti xabar berdi.
Qayd etilishicha, Malayziyaning “Air Asia X Berhad” aviakompaniyasiga Kuala-Lumpur—Toshkent—Kuala-Lumpur yoʻnalishida muntazam aviaqatnovlarini amalga oshirishga ruxsat berildi. Parvozlar Airbus A330 samolyotlarida amalga oshiriladi.
Bundan tashqari, Janubiy Koreyaning “Tʼway Air” aviakompaniyasiga Seul—Toshkent—Seul yoʻnalishida muntazam aviaqatnovlarni amalga oshirishga ruxsat olgan. Ushbu parvozlar ham Airbus A330 havo kemasida yoʻlga qoʻyiladi.
Shuningdek Misrning “Red Sea Airlines” aviakompaniyasiga Sharm-ash-Shayx—Toshkent—Sharm-ash-Shayx yoʻnalishida muntazam aviaqatnovlar uchun ruxsat berildi. Parvozlar Voeing 737 samolyotlarida amalga oshiriladi.