Toshkent shahar Ichki ishlar bosh boshqarmasi haydovchilarga avtomobil boshqarish davomida ob-havo sharoitini inobatga olishni soʻrab, murojaat yo‘lladi. Bu haqda "Xalq so‘zi" nashri veb sayti xabar berdi.
Unda aytilishicha, kuchli yomgʻir yogʻishi oqibatida yoʻllarda namgarchilik ortadi, natijada avtomobilning toʻxtashi qiyinlashib, yoʻl-transport hodisalariga uchrash ehtimoli oshadi.
“Hurmatli haydovchilar, yomgʻir yogʻayotganda yoʻldagi sharoit sezilarli darajada yomonlashadi. Ob-havo oʻzgarganda koʻnikib qolgan tezligingizni pasaytiring”, — deyiladi boshqarma murojaatida.