Ramazon hayiti kunida Toshkentda metro poyezdlari harakati soat 04:00 dan boshlanadi. Bu haqda Metropoliten matbuot xizmatiga tayanib "Xalq so‘zi" nashri veb sayti maʼlum qildi.
Bildirilishicha, 30-mart kuni metro poyezdlari harakati odatdagidan 1 soat oldin, yaʼni soat 04:00 dan yoʻlovchilarga xizmat koʻrsatishni boshlaydi va poyezdlar harakati intervali shanba kuni uchun belgilangan jadval asosida tashkil etiladi.
Shuningdek, bayram munosabati bilan belgilangan qoʻshimcha dam olish kunida (31-mart) metro poyezdlari intervali yakshanba kuni uchun tasdiqlangan grafik asosida soat 05:00 dan harakatlanadi.