Samarqand viloyati hududiy qurilish va uy-joy kommunal xoʻjaligi sohasida nazorat qilish inspeksiyasi xodimlari tomonidan oʻtkazilgan reyd tadbirlari davomida yuqoridagi holatlar maʼlum boʻldi.
Xususan, Samarqand shahrining Rudakiy koʻchasida joylashgan 179-“A” sonli koʻp qavatli uyning tom qismida oʻzboshimchalik bilan qurilish ishlari olib borilayotgani aniqlandi.
Mutaxassislarning fikricha, ushbu qurilish koʻp qavatli uyning loyihasida nazarda tutilmagan boʻlib, seysmik hodisa vaqtida binoning tebranishini kuchaytirib, mustahkamligiga zarar yetkazishi mumkin.
Holat viloyat hududiy qurilish va uy-joy kommunal xoʻjaligi sohasida nazorat qilish inspeksiyasi tomonidan nazoratga olinib, oʻzboshimchalik bilan olib borilayotgan qurilish bartaraf etildi.