AQSH hukumatining 2025-yil uchun Green Card javoblari e’lon qilindi. Dunyo bo‘ylab 55 ming kishiga beriladigan ushbu lotoreya yutug‘ining 5,5 mingdan ziyodrog‘i o‘zbekistonliklarga chiqdi.
Kentukki shtatining Uilyamsburg shahridagi Kentukki konsullik markazi DV-2025 dasturi g‘oliblarini ro‘yxatdan o‘tkazdi va ro‘yxatni e’lon qildi. Turli millatlarga mansub lotereya dasturi Immigratsiya va fuqarolik to‘g‘risidagi qonunning 203(c) bo‘limi shartlariga muvofiq o‘tkazildi.
Bunda Amerika Qo‘shma Shtatlariga immigratsiya darajasi past bo‘lgan mamlakatlardan kelgan shaxslarga har yili 55 000 tagacha doimiy yashash vizalarini taqdim etiladi.
Taxminan 131 ming nafar ariza beruvchi ro‘yxatga olingan va ularga xabar berilgan. Ehtimol, ro‘yxatdan o‘tgan dastlabki 55 000 kishining ba’zilari viza berish bo‘yicha o‘z ishlarini davom ettirmasligi mumkinligi sababli, bu muhimroq ko‘rsatkich barcha DV-2025 raqamlari 2025 moliya yili davomida ishlatilishini ta’minlashi kerak.
Ro‘yxatda xatolik sabab O‘zbekiston Yevropa qatoriga kiritilgan. Agar ko‘rsatkich Osiyo mamlakatlari qatorida solishtirilsa O‘zbekiston 1-o‘rinda qayd etilar edi. Undan keyingi o‘rinlarda esa Eron va Afg‘oniston.
DV-2026 uchun quyidagi mamlakatlar va hududlarning fuqarolari ariza bera olmaydi. So‘nggi besh yil ichida ushbu mamlakatlardan 50 000 nafar mahalliy aholi AQSHga ko‘chib kelgan:
-
Bangladesh
-
Braziliya
-
Kanada
-
Xitoy Xalq Respublikasi (shu jumladan materik va Gonkongda tug‘ilganlar)
-
Kolumbiya
-
Kuba
-
Dominika Respublikasi
-
Salvador
-
Gaiti
-
Gonduras
-
Hindiston
-
Yamayka
-
Meksika
-
Nigeriya
-
Pokiston
-
Filippin
-
Koreya Respublikasi (Janubiy Koreya)
-
Venesuela
-
Vyetnam
Green Card chet el fuqarolariga AQSHda rasman ishlash imkonini beruvchi shaxsni tasdiqlovchi hujjatdir.