Toshkentda 17-may kuni kuzatilgan kuchli shamol va chang boʻroni natijasida 19 mingga yaqin isteʼmolchi elektr taʼminotidan uzilib qoldi. Bu haqda Energetika vazirligiga tayanib "Xalq so‘zi" nashri veb sayti xabar berdi.
Illyustrativ foto
Qayd etilishicha, Toshkent shahri va viloyatidagi ayrim elektr tarmoqlari xavfsizlikni taʼminlash maqsadida qoʻlda oʻchirilgan. Natijada, Toshkent shahrida 8 500 ta va Toshkent viloyatida 10 300 ta isteʼmolchi elektr taʼminotidan vaqtincha uzilgan.
Shundan soʻng, 18-may yarim tunga qadar olib borilgan ishlar natijasida 15 035 ta isteʼmolchining elektr taʼminoti qayta tiklandi. Tonggi soat 8:20 ga qadar esa elektr taʼminotida yuzaga kelgan nosozliklar toʻliq bartaraf etildi.